दार्चुला । कञ्चनपुरको शुक्लाफाँटा नगरपालिका-७ को वडा कार्यालयमा अज्ञात समूहले आगजनी गरेको छ ।
नगरपालिकाका अनुसार प्रज्वलनशील पदार्थ छर्किएर बुधबार राति अज्ञात समूहले वडा कार्यालयमा आगजनी गरेको हो ।झ्यालको सिसा फुटाएर कार्यालयमा आगजनी गरिएको वडासचिव महेश भट्टले बताउनुभयाे ।
‘झ्यालको सिसा फुटाएर पेट्रोल छर्केर आगजनी गरेको देखिन्छ’, उहाँले भन्नुभयाे, ‘कार्यालयको २ कोठा आगजनी भएको छ।’आगजनीबाट कार्यालयको कम्प्युटर, सोफा, कार्पेट, कुर्सी र टेबुल जलेको वडासचिव भट्टले बताउनुभयाे ।‘वडा अध्यक्ष ज्यूको कार्यकक्ष बाहेक मेरो र प्राविधिक बस्ने कोठामा लगाइएको कार्पेट जलेको छ’, उहाँले भन्नुभयाे, ‘कम्प्युटरमा रहेका महत्त्वपूर्ण डाटा नष्ट भएको छ, कागजपत्र आंशिक जलेका छन् ।
’घटनाको अनुसन्धान भइरहेको इलाका प्रहरी कार्यालय झलारी प्रहरी निरीक्षक धर्मेन्द्र रावलले बताउनुभयाे । क्षतिको विवरण संकलनका साथै प्रारम्भिक अनुसन्धान गरिरहेको उहाँको भनाइ छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
चर्मण्वती डेउडा उत्सवको उपाधी दयाकृष्ण पन्तलाई, मञ्जु गिरी उपविजेता (भिडियोसहित)
२०८१ भाद्र २२, शनिबार १९:११
