दार्चुला । दार्चुलामा बाघले चराउन लगिएका ४ बाख्रा मारेको छ । जिल्लाको लेकम गाउँपालिका वडा नम्बर ५ मौखोली, अम्कुर पाडीका स्थानीय गौरीदत्त जोशीका ४ बाख्रा बाघले मारेको हो ।
आइतबार बेलुकी ५ बजेको समयमा घर नजिकैको जंङ्गलमा चराउन लगाइएका बाख्रा बाघले मारेको पिडित जोशीले बताउनुभयो । यस क्षेत्रमा पछिल्लो समय बाघले घरपालुवा जनावरमाथि आक्रमण गर्न थालेपछि स्थानीय त्रसित बनेका छन् ।




