दार्चुला । दार्चुलाको मालिकार्जुन गाउँपालिका वडा नम्बर २ मा रहेको रानिस्थान आवि सिराडमा कार्यरत शिक्षक लालसिंह धामीको विदाई गरिएको छ । ३२ वर्ष ५ महिना शिक्षण पेशामा कार्यरत रहनुभएका धामीको विहिबार (आज) एक कार्यक्रमका बिच विदाई गरिएको हो ।

शैल्यशिखर नगरपालिका वडा नम्बर ६ मा रहेको पशुपति भवन माध्यमिक विद्यालय, ग्वानीबाट सुरु गर्नुभएका धामीले यस अवधिमा विभिन्न विद्यालयमा शिक्षण गर्नुभएको थियो ।

२०५० जेष्ठ १५ गते स्थायी नियुक्ति प्राप्त गर्नुभएका धामीले विभिन्न विद्यालयमार्फत उल्लेखनीय योगदान पु¥याउँदै अन्त्यमा रानिस्थान आधारभूत विद्यालय, सिराडमा सेवा गरिरहनुभएको थियो। उहाँले मंसिर ४ गते स्वेच्छिक अवकाश लिएपछि विद्यालय परिवार, अभिभावक, विद्यार्थी तथा स्थानीय प्रतिनिधिहरूले धन्यवाद, सम्मान र शुभकामनासहित बिदाइ गरेका थिए ।

कार्यक्रममा वक्ताहरूले लामो समयसम्मको इमानदार, अनुशासित र समर्पित सेवाका लागि धामीप्रति कृतज्ञता व्यक्त गर्दै उहाँको आगामी जीवनयात्राका लागि सफलताको शुभकामना व्यक्त गरेका थिए।