दार्चुला । दार्चुलामा यो वर्ष कोदो उत्पादन बढेको छ । गत वर्षको तुलनामा यो वर्ष झन्डै दोब्बरले कोदो उत्पादन बढेको हो । कृषि ज्ञान केन्द्र दार्चुलाको तथ्याङ्क अनुसार चालु आर्थिक वर्ष २०८२/०८३ (अर्थात गत बर्षको वर्षे बाली) मा जिल्ला भरि २ हजार १ सय ४० मेट्रिकटन कोदो उत्पादन भएको छ । त्यस्को अघिल्लो वर्ष जिल्ला भरि १ हजार २ सय ५० मेट्रिकटन कोदो उत्पादन भएको थियो ।

गत वर्षको तुलनामा यो वर्ष झन्डै दोब्बरले कोदो उत्पादन बढेको कृषि ज्ञान केन्द्र दार्चुलाका निमित्त कार्यालय प्रमुख तथा सूचना अधिकारी शिशिर आचार्यले बताउनुभयो । गत वर्ष जिल्ला भरि १ हजार १ सय ९६ हेक्टर क्षेत्रफलमा कोदो खेती गरिएकोमा १ हजार २ सय ५० मेट्रिकटन उत्पादन लोकदर्पण टिभी भएकोमा यो वर्ष खेती हुने क्षेत्र सामान्य रुपमा बढेको तर उत्पादन भने झन्डै दोब्बरले बढेको उहाँले बताउनुभयो । यो वर्ष कोदो खेती २ हेक्टर

क्षेत्रलफमा विस्तार भएको छ । खेती विस्तार सामान्य रहेपनि उत्पादकत्व बढेको आचार्यले बताउनुभयो । गत वर्ष १.०५ मेट्रिकटन प्रति हेक्टर उत्पादकत्व रहेकोमा यो वर्ष उत्पादकत्व पनि बढेर प्रति हेक्टर १.७९ मेट्रिकटन प्रति पुगेको उहाँले बताउनुभयो लोकदर्पण टिभी । दार्चुलाको दुहुँ, मालिकार्जुन, मार्मा र नौगाड गाउँपालिकामा कोदो बढी उत्पादन हुने गरेको छ। जिल्लामा कोदोको औषत उत्पादन बढेर १.७९ मेट्रिक्टन प्रतिहेक्टर रहेको उहाँले बताउनुभयो । जिल्लामा कोदोको माग र बजार राम्रो रहेको भए पनि खेती र उत्पादन भने कम रहेको उहाँले बताउनुभयो ।

‘जिल्लामा उत्पादन भएको कोदोको आधा जती हिस्सा जिल्ला बाहिर निर्यात हुने गरेको छ । अहिले उत्पादन भएको कोले जिल्लाकै माग धान्न सक्ने अवस्था नरहेको अवस्थामा जिल्ला बाहिरबाट समेत कोदोको माग भइरहेको उहाँले बताउनुभयो । कृषि ज्ञान केन्द्रले कोदो खेती प्रर्वधनको लागि रैथान बाली प्रर्वधन कार्यक्रम सञ्चालन गरेको थियो ।

रसायन बिना नै उत्पादन हुने कृषि उपजको लागि विभिन्न कार्यक्रम रहेको र त्यस्मा कोदोको उत्पादन तथा ब्रान्डीङको लागि कृषि ज्ञान केन्द्रले पनि कार्यक्रम सञ्चालन गरिरहेको आचार्यले बताउनुभयो । कृृषकले उत्पादन गरेको कोदोको बजारीकरणको लागि जिल्लाका सबै स्थानीय तहले खाद्य व्यवस्था तथा व्यापार कम्पनी संग सम्झौता गरेको र कृषि ज्ञान केन्द्रले पनि त्यस्मा सहजीकरण गर्ने गरेको उहाँले बताउनुभयो ।