दार्चुला । चीनले अनुदानमा दिएको अक्सिजनसहितका स्वास्थ्य सामग्री तातोपानी नाका हुँदै नेपाल भित्रिन थालेका छन् ।
हिजो यो नाका हुँदै ८ सय भरी अक्सिजनका सिलिन्डर र ८ सय खाली सिलिन्डरसहितका स्वास्थ्य सामग्री आएको प्रमुख भन्सार अधिकृत नारद गौतमले जानकारी दिनुभयो । यसअघि गएको ८ गते यो नाकाबाट लिक्विड अक्सिजनसहित स्वास्थ्य सामग्री भित्रिएको थियो । यो नाकाबाट ३० हजार लिटर लिक्वड अक्सिजन नेपाल भित्रिसकेको छ ।
अहिलेसम्म तातोपानी नाकाबाट दुई पटक अनुदानका स्वास्थ्य सामग्री भित्रिएको छ । चीनले अनुदानमा दिने बाँकी सामग्री आउने क्रममा नै रहेको प्रमुख भन्सार अधिकृत गौतमले बताउनुभयो । चीनबाट अनुदानमा आएका स्वास्थ्य सामग्री स्वास्थ्य मन्त्रालयलाई हस्तान्तरण गरिसकिएको छ । यस्तै निजी क्षेत्रले खरिद गरेका १० हजार खाली सिलिन्डर पनि तातोपानी नाका हुँदै नेपाल भित्रिसकेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया