दार्चुला । छ महिनाको बच्चालाई मुसाले जिउँदै खाएको छ । त्यतिबेला उनका बाबुआमा गहिरो निद्रामा थिए । बालकको शरीरमा ५० भन्दा बढी मुसाले टोकेको घाउ भेटिएको छ । घटना अमेरिकाको इन्डियानाको हो ।
नवजात शिशुका बुबाले प्रहरीलाई फोन गरेर घटनाबारे जानकारी गराएका थिए । ६ महिनाको बालकको शरीरमा गम्भिर घाउ रहेको उनले जानकारी दिए । युएसए टुडेको रिपोर्ट अनुसार यो घटना गत हप्ता भएको हो ।
घटनामा कारबाही गर्दै प्रहरीले बालकका बुवा डेभिड र आमा एन्जल स्कोएनबमलाई पक्राउ गरेको छ । उनीहरूसँगै बस्ने उनकी काकीलाई पनि पक्राउ गरिएको छ । उनीहरु विरुद्ध लापरवाही सहित कैयौं फौजदारी अभियोगमा मुद्दा दर्ता गरिएको छ ।
यी दम्पतीका तीन सन्तान छन् । उनीहरू घरमा अर्को परिवारसँग बस्छन् । यो अर्को परिवारमा उनीहरूका दुई बच्चा छन्। घर पुग्दा ६ महिनाको बालक रगतले लतपतिएको अवस्थामा फेला परेको प्रहरीले जनाएको छ । उनको टाउको र अनुहारमा ५० भन्दा बढी मुसाले टोकेको घाउ थियो ।
प्रहरी डिटेक्टिभ जोनाथन हेल्मले पक्राउ पुर्जीमा बालकको दाहिने हातको चार औंला र बुढीऔंला हराइरहेको लेखेका छन् । उनको औंलाका हड्डीहरू देखिन्थे। बच्चालाई अस्पताल लग्दा उनको शरीरको तापक्रम निकै घटेको थियो । उनलाई रगत चढाउनु परेको थियो । बच्चा जीवित छन् ।
न्यूयोर्क पोस्टको रिपोर्टका अनुसार बच्चाको घर फोहोर र मुसाको मलले भरिएको थियो। उनका बुबाले मार्चदेखि मुसाका कारण समस्यामा परेको र यसका लागि उपाय पनि गरिएको बताए । तर प्रहरी अधिकारीहरुले यस घरको बच्चालाई मुसाले खाएको यो पहिलो पटक नभई सेप्टेम्बरमा घरका अन्य बालबालिकालाई पनि टोकेको थाहा पाएका छन् । डिसी नेपाल
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया