दार्चुला । दार्चुलाको लेकम गाउँपालिका वडा नम्बर २ मा रहेको केदारनाथ माध्यमिक विद्यालय धरमघरको विद्यालय व्यवस्थापन समिति गठन गरिएको छ । सोमबार (आज) आयोजित अभिभावकहरुको भेलापछि नारद प्रसाद जोशीको अध्यक्षतामा विद्यालय व्यवस्थापन समिति गठन गरिएको हो ।
शिक्षक अभिभावक संघका अध्यक्ष राम दत्त भट्टको अध्यक्षता रहेको कार्यक्रमबाट नारद प्रसाद जोशी अध्यक्ष रहने गरि विद्यालय व्यवस्थापन समिति गठन गरिएको विद्यालयका प्रधानाध्यापक जयसिंह कार्कीले जानकारी दिनुभयो ।
त्यस्तै शिक्षा नियमावली अनुसार अन्य ५ जना सदस्यहरु पनि चयन हुनुभएको छ । सदस्यहरुमा दान सिंह धामी, जानकी जोशी, पदम राज भट्ट, मानमती कार्की र देवसरा सार्की तथा सदस्य सचिवमा प्रधानाध्यापक कार्की चयन हुनुभएको विद्यालय स्रोतले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया