दार्चुला । बैतडीमा जिप दुर्घटना हुँदा तीन जनाको घटनास्थलमै मृत्यु भएको छ ।
बैतडीको सुर्नया गाउँपालिका वडा नम्बर ६ मोतीनगरबाट डडेल्धुरातर्फ जाँदै गरेको म १ ज २२४ नम्बरको बोलेर जिप सोमबार बिहान साढे १० बजेतिर जयपृथ्वीराजमार्ग अन्तर्गत पाटन नगरपालिका वडा नम्बर८ साँडीघाटी नजिक दुर्घटनामा परेको जिल्ला प्रहरी कार्यालय बैतडीका प्रहरी निरीक्षक तथा सूचना अधिकारी सुरज सिंहले जानकारी दिनुभयो ।
दुर्घटनामा तीन जना पुरुषको घटनास्थलमै मृत्यु भएको र सनाखत हुन बाँकी रहेको प्रहरी निरीक्षक सिंहले बताउनुभयो । जिपमा कति जना सवार थिए भन्ने यकिन भएको छैन । घाइतेहरुलाई प्रहरी तथा अन्य गाडीका यात्रुहरुले उद्धार गरि डडेल्धुरा अस्पताल पठाएका छन् । घट्नाको थप विवरण आउन बाँकी रहेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया