दार्चुला । भारतीय राजदुतावासमार्फत दार्चुलाको दुहुँ गाउँपालिकाले एम्बुलेन्स उपहार पाएको छ। दुहुँ गाउँपालिकालाई पेन्सन कार्यालय प्रमुख लेफ्टिनेन्ट कर्णेल प्रशान्त सिंह बगेलले एम्बुलेन्स उपहार स्वरुप हस्तान्त्रण गरेका हुन् ।
दुहुँ गाउँपालिकाका अध्यक्ष नरेन्द्रबहादुर सिंह बडालको पहलमा नेपाल-भारत विकास साझेदारी कार्यक्रम अन्तरगत भारतीय राजदुतावास, काठमाडौंले दुहुँ गाउँपालिकालाई एक थान एम्बुलेन्स सहयोग स्वरूप प्रदान गरेको गाउँपालिकाले जनाएको छ। दुहुँ गाउँपालिका वडा नम्बर २ का वडाअध्यक्ष गोबिन्दसिंह डडालले एम्बुलेन्स बुझ्नुभएको छ । भारतीय राजदुतावास काठमाडौंलाई दुहुँ गाउँपालिकाले धन्यवाद समेत ज्ञापन गरेको छ ।
आपसी मित्रताको प्रतीकका रुपमा भारतले हरेक वर्ष विभिन्न स्थानीय तह, सामाजिक र स्वास्थ्य संस्थालाई एम्बुलेन्स उपहार स्वरुप सहयोग गर्ने गरेको छ । हस्तान्त्रण कार्यक्रममा भारतीय दुतावासका प्रतिनिधीले नेपाल र भारत बीचको सम्बन्ध छिमेक मात्र नभई पारिवारिक पनि भएकोले आपसी सहयोग र सहकार्य हुने गरेको बताएका थिए ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया