दार्चुला । नेपाली कम्युनिस्ट पार्टी (नेकपा) दार्चुलाले फागुन २१ गते हुने प्रतिनिधिसभा निर्वाचनका लागि प्रत्यक्षतर्फ ५ र समानुपातिक तर्फ ७ जना उम्मेदवारको नाम सिफारिस गरेको छ। नेकपाका नेताहरुको शुक्रबार बसेको बैठकले प्रत्यक्ष र समानुपातिक तर्फ इच्छुक उम्मेदवारको नाम सिफारिस गरेको हो।
प्रत्यक्ष तर्फ खुल्ला कलस्टरमा लक्ष्मण दत्त जोशी, ललित सिंह ठगुन्ना र मदन सिंह धामीको नाम सिफारिस गरेको छ । त्यस्तै युवा कलस्टरबाट नरबहादुर विष्ट र महिलाबाट गंगा कुमारी महतरा (गायत्री रावल) को नाम सिफारिस गरिएको नेपकपा दार्चुलाका नेता पदम राज पन्तले जानकारी दिनुभयो ।
त्यस्तै समानुपातिकमा केशवराम वि.क.(लोक), प्रमा राम ओड, बिसनराम लोहार, मदन सिंह बुढाथोकी, रुक्मती जागरी, लिला कुँवर(निसाना) र हरमती साउँद(बसन्ती)को नाम सिफारिस गरिएको पन्तले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया