दार्चुला । कञ्चनपुरको बेलौरी नगरपालिका–१० सडकघाट पिपलचौताराबाट दुई जना लागू औषधसहित पक्राउ परेका छन्।
दार्चुला घर भएका २० वर्षीय गोकुलदेव जोशी र महेन्द्रनगरका २९ वर्षीय अमित सिंहलाई २ ग्राम २७० मिलिग्राम खैरो हेरोइन जस्तो देखिने पदार्थसहित पक्राउ गरिएको प्रहरीले जनाएको छ।
भारतबाट नेपालतर्फ आउँदै गरेको अवस्थामा म १ प १६०८ नम्बरको मोटरसाइकलमा सवार उनीहरूलाई इलाका प्रहरी कार्यालय बेलडाँडी र प्रहरी चौकी भुडा, कञ्चनपुरबाट खटिएको संयुक्त टोलीले चेकजाँच गर्दा लागूऔषध फेला पारेको हो।
दुबै जनालाई नियन्त्रणमा राखेर अनुसन्धान भईरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया