दार्चुला । दार्चुलाको मालिकार्जुन गाउँपालिका वडा नम्बर २ भगवती, खालिडाँडाका स्थानीयहरुले आफ्नै लगानीमा गाउँसम्म जोडने सडक निर्माण गरेका छन् । वडा नम्बर २ का मालिकार्जुन, भगवती थाप्ला सडक खण्डको ठिङबाट खालिडाँडा टोल सम्म जोड्ने करिब २ किलोमिटर सडक स्थानीयहरुले आफ्नै लगानीमा निर्माण गरेको स्थानीय मनोज धामीले जानकारी दिनुभयो ।
उक्त टोलका स्थानीयहरु तिलक सिंह धामी, कासी सिंह धामी, चन्द्र धामी, कुरे धामी, भान धामी र शंकर धामीको पहल तथा लगानीमा सडक निर्माण गरिएको उहाँले बताउनुभयो ।
सडक निर्माणमा स्थानीयहरुको करिब ८ लाख रुपैँया खर्च भएको उहाँले बताउनुभयो । खालिडाँडा हुँदै उक्त सडक वडा नम्बर २ न्वालपानीको तल्लो क्षेत्र जोड्ने उदेश्यले सडक निर्माण सुरु गरिएको उहाँले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया