नाइजेरियामा बन्दुकधारीको समूहले एउटा बिद्यालयका दुई सय जनाभन्दा धेरै बिद्यार्थी अपहरण गरेको छ ।
नाइजर स्टेटको पापिरीमा रहेको सेन्ट मेरी स्कुलमा अध्ययनरत दुई सय १५ जना विद्यार्थी र १२ जना कर्मचारी अपहरणमा परेका नाइजेरियाको प्रहरीलाई उद्धृत गर्दै बीबीसीले जनाएको छ ।
पछिल्ला केही दिनदेखी नाइजेरियामा बन्दुकधारीहरु पुगेर धम्काउने, आक्रमण गर्ने तथा अपहरण गर्ने घटना बढेका छन् । यही हप्ता नाइजर स्टेटकै एक नीजि बिद्यालयबाट २० जना भन्दा धेरै बिद्यार्थी अपहरणमा परेका थिए ।
बिद्यालयमा शृङ्खलाबद्ध आक्रमण बढेपछि नाइजेरियाका धेरै निजी बिद्यालयहरु बन्द गरिएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया