दार्चुला। दार्चुला सदरमुकाम खलंगास्थित रिङनताल/रिङदेपानी क्षेत्रमा शुक्रबार (आज) बेलुकी ७:१० बजे पहिरो खस्दा तीन जना घाइते हुनुभएको छ। घाइते हुनेहरूमा दुहुँ-४ धामीका २० वर्षीय सुरज कुवँर र मालिकार्जुन-२ सिराडका ४२ वर्षीया भागरथी धामी र सोही ठाउँका ४५ वर्षीय भगत सिंह धामी रहेको जिल्ला प्रहरी कार्यालय दार्चुलाका प्रहरी निरीक्षक देवेन्द्र बुढाथोकीले बताउनुभयो।
घाइतेमध्ये दुहुँ-४ का सुरज कुवँरलाई थप उपचारका लागि रेफर गरिएको छ भने दुई जनाको जिल्ला अस्पतालमा उपचार भइरहेको छ। अहिले दुई वटा स्काइभेटर मेसिन लगाएर उद्धार तथा पहिरो पन्छाउने काम भइरहेको उहाँले बताउनुभयो। तलको सडक खुलाइएको छ भने माथिल्लो टिंकर सडक खुलाउने काम भइरहेको छ। घटनास्थलमा प्रमुख जिल्ला अधिकारी लगायत सुरक्षा निकाय र सरोकारवाला खटिएका छन्।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया