दार्चुला । दार्चुलाको महाकाली नगरपालिकाले नगरभित्रका कृषकलाई कृषि पेशामा आधुनिक, सहज तथा उत्पादनमुखी बनाउन विभिन्न कृषि मेसिनरी तथा उपकरण हस्तान्तरण गरेको छ। खेतबारी जोत्न सहज बनाउन नगरपालिकाले किसानहरूलाई हाते ट्याक्टर (मिनीटिलर) वितरण गरेको जनाएको छ।
नगरपालिकाले कृषिमा आधुनिक प्रविधिको प्रयोग बढाउँदै किसानको मेहनतलाई प्रभावकारी बनाउने उद्देश्यसहित कार्यक्रम सञ्चालन गरिएको जनाएको छ। कृषकलाई आधुनिक कृषि उपकरण उपलब्ध गराइँदा खेतीपातीमा लाग्ने समय, श्रम तथा लागत घट्नुका साथै उत्पादन वृद्धि हुने अपेक्षा गरिएको छ।
नगरपालिकाका अनुसार कृषि क्षेत्रमा आधुनिक प्रविधिको पहुँच विस्तार गर्दै स्थानीय किसानलाई आत्मनिर्भर तथा व्यवसायिक कृषि तर्फ प्रेरित गर्ने लक्ष्यका साथ कार्यक्रम अघि बढाइएको हो। उपकरण प्राप्त गरेपछि कृषकहरूले कृषि कार्य थप सहज, छरितो र प्रभावकारी हुने विश्वास व्यक्त गरेका छन्।
स्थानीय तहबाट प्रविधिमैत्री कृषि योजना लागू गरिनुले युवा पुस्तालाई समेत कृषि पेशातर्फ आकर्षित गर्न मद्दत पुग्ने अपेक्षा गरिएको नगरपालिकाले जनाएको छ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
