दार्चुला । इजरायल र हमासबीच आज शुक्रबारदेखि चार दिनका लागि युद्धविराम लागु भएको छ । इजरायल र हमासबीच मध्यस्थकर्ताको भूमिका निर्वाह गरिरहेको कतारले आज विहान ७ बजेदेखि युद्धविराम सुरु हुने जनाएको हो ।
आजै साँझ ४ बजे हमासको कब्जामा रहेका १३ बन्धक र सम्झौता अनुसार इजरायली जेलमा रहेका प्यालेस्टायनी छुट्ने कतारी विदेश मन्त्रालयले जनाएको छ । रिहाइ हुनेको नाम भने सार्वजनिक गरिएको छैन ।
चार दिनको युद्धविराममा हमासले ५० जना बन्धकलाई रिहाइ गर्ने सहमति भएको छ । त्यसपछि इजरायलले आफ्नो जेलमा रहेका १ सय ५० जना प्यालेस्टेनीलाई रिहाइ गर्नेछ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
प्रतिक्रिया