दार्चुला । दार्चुलामा दुई स्थानीय तहका तीन जना मात्रै कोरोनाका संक्रिय संक्रमित रहेका छन ।
हालसम्म जिल्लामा तीन सय ११ जनामा कोरोना संक्रमण पुष्टि भएकोमा दुई स्थानीय तहका तीन जना मात्रै कोरोनाका संक्रिय संक्रमित रहेको जिल्ला स्वास्थ्य कार्यालय दार्चुलाका सूचना अधिकारी खगेन्द्र कार्कीले जानकारी दिनुभयो ।
अहिले दार्चुलाको लेकम गाउँपालिकामा दुई जना र अपिहिमाल गाउँपालिकामा एक जना संक्रिय संक्रमित रहेका छन । उनिहरुको समेत स्वास्थ्य अवस्था सामान्य रहेको छ ।
हालसम्म तीन हजार आठ सय ५५ जनाको पीसीआर विधिमार्फत कोरोना परीक्षणको लागी स्वांव संकलन गरिएको सूचना अधिकारी कार्कीले बताउनुभयो ।
दार्चुलामा संक्रमण पुष्टि भएका तीन सय आठ जनाले कोरोना जितिसकेका छन् । भने एक जनाको अस्पताल लैजादै गर्दा बैतडीको सतबाँजमा र दुई जनाको जिल्ला बाहिर उपचारको क्रममा गरी दार्चुलाका तीन जनाले कोरोनाका कारण ज्यान गुमाएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया