दार्चुला । सुदूरपश्चिम विश्वविद्यालय दार्चुला बहुमुखी क्याम्पसमा भारतको उत्तराखण्ड खुला विश्वविद्यालयका पदाधिकारी तथा प्राध्यापकसँग उच्च शिक्षामा सहकार्यका विषयमा छलफल गरिएको छ।
क्याम्पसका सहायक क्याम्पस प्रमुख करनसिंह साउँदको अध्यक्षतामा भदौ ४ गते भएको भेटघाट तथा अन्तरक्रियामा उत्तराखण्ड खुला विश्वविद्यालयका निर्देशक प्रा.डा. पिताम्बरदेव पन्त, प्रा.डा. एस.एन. ओझा, प्रा.डा. विशालकुमार शर्मा र भास्करचन्द्र जोशी सहभागी हुनुभएको थियो।
कार्यक्रममा समसामयिक विषय तथा उच्च शिक्षासँग सम्बन्धित विषयमा प्राध्यापक र विद्यार्थीसँग अन्तरक्रिया गरिएको सहायक क्याम्पस प्रमुख साउँदले बताउनुभयो।
उहाँका अनुसार भेटघाटका क्रममा दुवै शैक्षिक संस्थाबीच उच्च शिक्षाको क्षेत्रमा सहकार्य र आपसी समन्वयलाई अघि बढाउने विषयमा प्रतिबद्धता व्यक्त गरिएको थियो।
सहायक क्याम्पस प्रमुख साउँदले छोटो भेटघाट भए पनि उच्च शिक्षाको विकास तथा शैक्षिक सहकार्यका लागि महत्वपूर्ण रहेको बताउनुभयो।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया