दार्चुला । बैतडीको सिगास गाउँपालिका–१ दुदिलाखानका ३६ बर्षीय खडकबहादुर बिष्ट मृत्यु प्रकरणमा अनुसन्धानका लागि प्रहरीले एकजनालाई पक्राउ गरेको छ ।
मृतकका परिवारले दिएको किटानी जाहेरीका आधारमा सोही ठाउँका ३६ बर्षीय पवन चन्दलाई पक्राउ गरेर अनुसन्धान शुरु गरिएको इलाका प्रहरी कार्यालय पाटनका प्रमुख, प्रहरी निरीक्षक निरीक्षक इन्द्रराज भट्टले जानकारी दिनुभयो । पक्राउ परेका चन्दमाथि अदालतबाट म्याद थपेर अनुसन्धान भइरहेको उहाँले बताउनुभयो ।
पक्राउ परेका चन्द मृतक बिष्टका बाल्यकालदेखिका साथी रहेका बताइएको छ । मृतकका आफन्तले बिष्टको हत्या भएको भन्दै निष्पक्ष अनुसन्धानको माग गरेका छन् ।
आइतबार बजार जान्छु भनि हिँडेका बिष्ट सोमबार बिहान घर नजिकै मृत अवस्थामा फेला परेका थिए । घोप्टो परेको अवस्थामा उहाँको शव फेला परेको थियो ।
मृतक बिष्टको शव पोष्टमार्टम पछि आफन्तले बुझिसकेका छन् । घटनाका बिषयमा थप अनुसन्धान भइरहेको जिल्ला प्रहरी कार्यालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
शक्तिशाली लटिनाथ मन्दिर जयपुरमा बृहत नवमी जात्रा, धार्मिक महिमा र जात्रा विशेष (भिडियो)
२०८२ कार्तिक १३, बिहीबार १८:२५ गते
