काठमाडौं । सञ्चारकर्मी तथा गीतकार केशवराज जोशीको पहिलो सांगीतिक गजल ‘कति छ टाढा’ सार्वजनिक भएको छ । उनको यो गीत युट्यबुमार्फत् सार्वजनिक गरिएको हो ।
जोशीको शब्द रहेको यो सांगीतिक गजलमा पुराना तथा लोकप्रिय गायक रामभक्त जोजिजुले आवाज दिएका छन् ।गीतलाई सञ्जीव पालले रेकर्ड र एरेन्ज गरेका हुन् । शम्भु तन्डुकारले मिक्सिङ गरेको गीतलाई जेई स्टुडियोमा रेकर्ड गरिएको हो ।
साहित्यमा रूचि राख्ने गीतकार जोशी आगामी दिनमा पनि स्रोतादर्शकको चाहनाअनुसार गीत ल्याउने योजनामा छन् ।‘मेरो पहिलो कोसेली केही दिनअघि मात्र युट्युबमा आएको छ ।
यो गीतबाट पाएको प्रतिक्रियालाई ध्यानमा राख्दै आगामी दिनमा सांगीतिक बजारमा आउने छु,’ गीतकार जोशीले भने, ‘पहिलो गीतबाट राम्रो प्रतिक्रिया पाइरहेको छु । तत्काल अन्य गीत बजारमा ल्याउन नसके पनि तयारीमा भने जुटिसकेको छु ।’
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
स्वस्थानी व्रत कथा शुरू, रेडियो लोकदर्पणमा ज्यो. ईन्द्रदेव जोशीको प्रस्तुती (भिडियोसहित)
२०८१ पुष २९, सोमबार ०८:३०
