दार्चुला । धार्मीक आस्थाको केन्द्र तथा राष्ट्रकै सात धाम मध्येको एक धाम शैल्यशिखर मालिकार्जुन धुरामा आगलागी भएको छ ।
मालिकार्जुन देवताको मुख्य बासस्थान (रैथान) मानिने शिखर धुरामा आगलागी हुदा विगतदेखि भक्तजनहरुले श्रद्धापुर्वक दान गरेका धार्मीक सामाग्रीहरु जलेर क्षती भएको स्थानीय महेश डागाले जानकारी दिनुभयो । डागाले भन्नुभयो, शिखर धुरामा चढाइएका ध्वजा, नेजा, मुर्ती, भोकर, नगद भेटी लगायत किराना र धार्मीक सामाग्री जलेर नष्ट भएका छन् ।
शैल्यशिखर नगरपालिका वडा नम्बर ५ का करिब १५ जना युवाहरुले दुई दिन देखि आगो नियन्त्रणको प्रयास गरेपनि शिखर धुराको गुठी बचाउन नसकिएको उहाँको भनाई छ । आगलागी नियन्त्रण तथा धार्मीक सम्पत्ती संरक्षणमा सरोकारवालाहरुले ध्यान दिन नसकेकोमा स्थानीय युवाहरुले गुनासो गरेका छन् ।
शैल्यशिखर मालिकार्जुन धाम दार्चुलाका साथै सुदूरपहाड र भारतको उत्तराखण्डका भक्तजनहरुको समेत धार्मीक आस्थाको केन्द्रका रुपमा रहेको छ ।
यो वर्ष समयमै वर्षा नभएको कारण विगत वर्षहरुको तुलनामा बढी आगलागी भएको छ । बर्खायाम शुरु भएदेखि नै दार्चुलाका अधिकासं बनमा आगलागीका घटनाहरु भएका छन् । आगलागीकै कारण बनजंगल सखाप भएको छ । भने बन क्षेत्र नजिकका कतिपय घरहरुमा समेत क्षती पुगेको छ ।
सुक्खा मौसम र गर्मीका कारण वन क्षेत्र अगालगीको चपेटामा परेको हो । वन क्षेत्रमा आगलागी हुँदा लाखौँ मूल्यको काठ जलेर नष्ट भएको छ । आगलागीका कारण वासस्थान नासिँदा वन्यजन्तु मानवबस्तीतर्फ आउने र मारिने क्रमसमेत बढेको छ । वन क्षेत्रमा अधिकांश आगलागीका घटना मानवीय कारण हुने गरेका छन् ।
मालिकार्जुन धामबारे थप जानकारीका लागि यहाँ क्लिक गर्नुहोस
शिखर धुरामा भएको आगलागीका दृश्यहरु । तस्बिर : महेश डागाको फेसबुकबाट
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
