दार्चुला । दार्चुलामा मोटरसाइकल दुर्घटना हुँदा दुई जना घाइते भएका छन् । खलंगाबाट गोकुलेश्वरतर्फ जादै गरेको मोटरसाइकल महाकाली नगरपालिका वडा नम्बर ५ खेट्टेबगडमा दुर्घटना हुँदा मोटरसाइकलमा सवार दुई जना पुरुष घाइते भएका हुन् ।
घाइते हुनेमा जगदिश साउँद र हरकसिंह धामी रहेको जिल्ला प्रहरी कार्यालय दार्चुलाले जनाएको छ । घाइतेमध्ये साउँदको अवस्था गम्भीर रहेको बताइएको छ । घाइते दुबैजनालाई उपचारका लागि जिल्ला अस्पताल दार्चुला ल्याइएकोमा थप उपचारका लागि धनगढी रेफर गरिएको छ ।
स्रोतका अनुसार साउद शैल्यशिखरका माओबादी निकट विद्यार्थी संगठन अखिल क्रान्तिकारीका युवा नेता हुन भने धामी लेकम गाउँपालिका वडा नम्बर २ बाट निर्वाचित वडा अध्यक्ष भवान सिंह धामीका छोरा हुन् ।
बुधवार बेलुकी दार्चुला सदरमुकामबाट गोकुलेश्वरतर्फ गइरहेको सु.प.प्र ७४२७ नम्बरको मोटरसाइकल अनियन्त्रित हुदाँ दुर्घटना भएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया