दार्चुला । दार्चुलाको लेकम गाउँपालिका–२ कुणीमा गाउँपालिका स्तरीय अध्यक्ष कप भलिबल प्रतियोगिता सुरु भएको छ ।
लेकम गाउँपालिकाको वार्षिक स्वीकृत कार्यक्रम अनुसार खेलाडीहरुको प्रतिस्पर्धात्मक खेल क्षमता विकास गर्ने उद्धेश्यका साथ बिहिवार (आज) प्रतियोगिताको उद्धघाटन भएको हो । गाउँपालिकाको वडा नम्बर–२ स्थित हुनैनाथ माध्यमिक विद्यालय कुणीको खेल मैदानमा प्रतियोगिता सञ्चालन भइरहेको लेकम गाउँपालिका वडा नम्बर २ का वडा अध्यक्ष शिवराज जोशीले जानकारी दिनुभयो ।
प्रतियोगितामा गाउँपालिकाका ६ वटै वडाका ६ वटा टिम र गाउँपालिकाका कर्मचारीको १ टिम गरी जम्मा ७ वटा टिमहरुको सहभागिता रहेको उहाँले बताउनुभयो । जसअन्र्तरगत आज वडा नम्बर ३ लाली र वडा नम्बर ५ रिठाचौपाता बिच भएको पहिलो खेलमा वडा नम्बर ३ लाली विजयी भएको वडा अध्यक्ष जोशीले बताउनुभयो ।
यस्तै आजै भएको दोस्रो खेलमा गाउँपालिकाको कर्मचारी टिमलाइ पराजित गर्दै वडा नम्बर ४ खरकडाको टिम विजयी भएको छ । लेकम गाउँपालिकाका शिक्षा अधिकृत केशब राज ओझाको अध्यक्षता रहेको उद्धघाटन कार्यक्रममा लेकम गाउँपालिका अध्यक्ष रामदत्त जोशी प्रमुख अतिथि रहनुभएको थियो ।
यस्तै कार्यक्रममा गाउँपालिकाका निमित्त प्रशासकीय अधिकृत अम्बादत्त जोशी, उपाध्यक्ष माधवी जोशी, गाउँपालिकाका प्रवक्ता एंव वडा नम्बर ३ का वडा अध्यक्ष सुरेश सिंह थापा, वडा नम्बर २ का वडा अध्यक्ष शिवराज जोशी, वडा नम्बर ४ का वडा अध्यक्ष महेन्द्र राज जोशी, कृष्ण स्नातक क्याम्पस लालीका निर्वतमान क्याम्पस प्रमुख केशब राज जोशी, विभिन्न विद्यालयका प्रध्यानाध्यापकहरु, लगायत खेलप्रेमीहरुको आतिथ्यता एंव उपस्थिति रहेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया