दार्चुला । दार्चुलामा विभिन्न स्थानमा हावाहुरी सहित असिनापानी परेको छ । जिल्लाको लेकम गाउँपालिका, शैल्यशिखर नगरपालिका र मालिकार्जुन गाउँपालिकाका उच्च भेगमा परेको असिनापानीले खेतिपाती, तरकारी र फलफुलमा क्षती पुर्याएको खबरहरु प्राप्त भएका छन् ।
शैल्यशिखरको वडा नम्बर ७ बोहरीगाउँमा परेको असिनापानीले हिउँदे खेती, तरकारी तथा फलफुलहरुमा क्षती पुर्याएको स्थानीय शिक्षक दामोदर जोशीले जानकारी दिनुभयो । त्यस्तै असिनापानीले वडा नम्बर ६ को मिलमिली, लेकमको वडा नम्बर ५ पिर्तोली, राताकाठा, मालिकार्जुनको वडा नम्बर २ न्वालपानी, वडा नम्बर ३ को मालिकार्जुन लगायत जिल्लाका उच्च भेगमा असिनापानीले खेतिपाती, तरकारी र फलफुलमा क्षती पुर्याएको छ ।
तीनदिनदेखी मैसममा आएको परिर्वतन सगै दार्चुलामा असिनापानी परेको हो । हिमाली क्षेत्रमा हिमपात र जिल्ला सदरमुकाम खलंगासहित विभिन्न क्षेत्रमा वर्षा भएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया