दार्चुला । दार्चुलामा शुक्रबार ( आज ) एकै दिन थप १७ जनामा कोरोना संक्रमण पुष्टि भएको छ ।
नेपाल विद्युत प्राधिकरण दार्चुला वितरण केन्द्रमा कार्यरत आठ जना कर्मचारी सहित थप १७ जनामा कोरोना संक्रमण पुष्टि भएको हो ।
डडेल्धुरा अस्पतालको प्रयोगशालामा गरिएको कोरोना परिक्षणमा १७ जनामा संक्रमण पुष्टि भएको स्वास्थ्य कार्यालय दार्चुलाले जनाएको छ ।
गत कात्तिक ३० गते विद्युत प्राधिकरणमा कार्यरत कर्मचारीमा कोरोनाको कारण मृत्यु भएपछि मंसिर ३ गते दार्चुलाका ४५ जनाको श्याब संकलन गरि परिक्षणको लागि डडेल्धुरा पठाईएको मा आज परिक्षण रिपार्ट आएको हो ।
आज कोरोना पुष्टि हुनेमा मृतकका श्रीमति, एक छोरा र विद्युत वितरण केन्द्रका आठ जना सहित १७ जनामा संक्रमण पुष्टि भएको स्वास्थ्य कार्यालय दार्चुलाले जनाएको छ । जिल्ला प्रहरी कार्यालय दार्चुलाका तीन जना प्रहरी जवान तथा एक जना थुनुवामा कोरोना संक्रमण देखिएको छ । सरकारी वकिल कार्यालयका सवारी चालकमा समेत कोरोना देखिएको स्वास्थ्य कार्यालय दार्चुलाले जनाएको छ ।
यो संगै दार्चुलामा कोरोना संक्रमितको संख्या दुइ सय ७९ पुगेको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
