दार्चुला । दार्चुलामा शनिबार दिउँसोसम्म २ हजार ९ सय ३५ जनामा आरडिटी परीक्षण गर्दा ७४ जनाको रिर्पोट पोजेटिभ आएको छ ।

शनिबार मालिकार्जुन गाउँपालिकामा ५ जना, महाकाली नगरपालिका र अपिहिमाल गाउँपालिकामा दुई दुई जनामा आरडिटी रिपोर्ट पोजेटिभ आएको जिल्ला स्वास्थ्य कार्यालय दार्चुलाका कोरोना भाइरस फोकल पर्शन बिरेन्द्रराज भट्टले जानकारी दिनुभयो ।

७४ जनामा आरडिटी पोजेटिभ देखिएपनि पीसीआर विधिबाट परीक्षण नहुदा गाउँघरमा कोरोनाको त्रास फैलिएको छ । यसअघि धनगढी प्रयोगशालाबाट पीसीआर रिर्पोट पोजेटिभ आएका ११ जना संक्रमितको समेत दोस्रो चोटी थ्रोट स्वाबको नमुना परीक्षण गरिएको छैन् ।

बुधबारसम्म जिल्लाभरीका ७० बढी क्वारेन्टाइनमा १६ सय जना बसेको भएपनि १४ दिन पुरा गरेर घर फर्किनेको संख्या बढेसंगै शनिबार दिउँसोसम्म ११ सय ७४ जना मात्रै क्वारेन्टाइनमा रहेका छन् ।
दुई दिन यता दार्चुलाका कसैमा पनि कोरोना संकमण पुष्टी भएको छैन । बुधबारसम्म सात सय ९२ जनाको पीसीआर विधिबाट थ्रोट स्वाबको नमूना परीक्षण गरीएकोमा १२ जनाको पोजिटिभ आएको पाँच जनाको रिपोर्ट आउन बाँकी रहेको र बाँकी ७७५ जनाको रिपोर्ट नेगेटिभ आएको स्वास्थ्य कार्यालय दार्चुलाका कोरोना भाइरस फोकल पर्सन भट्टले बताउनुभयो ।

पहिलो संक्रमित महाकाली नगरपालिका—६ का २१ वर्षीय युवक कोरोना जितेर यसअघि नै घर फर्किसक्नुभएको छ । आरडिटी परीक्षण भरपर्दो नभएको भन्दै क्वारेन्टाइनमा बसेका सबैको पीसीआर विधिबाट परीक्षण हुनुपर्ने माग बढ्दै गएपनि पीसीआर विधिबाट पछिल्लो साता दार्चुलाका कसैको पनि परीक्षण भएको छैन् ।

धनगढी प्रयोगशालामा यसअघि नै संकलन भएका नमुनाहरुको चाप रहेकोले अझै एक हप्तासम्म नयाँ थ्रोट स्वाबको नमुना संकलन लिन समस्या रहेको जनाइएको छ ।

याे पनि पढ्नुहाेस

सुदूरपश्चिममा काेराेना संक्रमितको संख्या २५५ पुग्यो, नेपालमा ५३३५ संक्रमित, १८ काे मृत्यु