दार्चुला । आईसीसी महिला टी–२० विश्वकप ग्लोबल छनोटअघिको वार्मअप खेलमा नेपाल आयरल्यान्डसँग भएको छ । तल्लो मूलपानी मैदानमा आज भएको खेलमा नेपाल आयरल्यान्डसँग ९९ रनले पराजित भएको हो ।
आयरल्यान्डले दिएको २०१ रनको लक्ष्य पछ्याएको नेपालले १९ ओभरमा १ सय १ रन बनाउँदा सबै विकेट गुमायो । नेपालकी कविता जोशीले सबैभन्दा धेरै २८ रन बनाइन् । आयरल्यान्डका लारा म्याकब्राइड, अर्लेन केली, ओर्ला प्रेन्डरगास्ट र एमी म्यागुइरले २/२ विकेट लिए ।
यसअघि टस जितेर ब्याटिङ गरेको आयरल्यान्डले २० ओभरमा ७ विकेट गुमाएर २०० रन बनायो । आयरल्यान्डका कप्तान गेबी लुइसले ७७, ओर्ला प्रेन्डरगास्टले ६२ रन बनाइन् । नेपालकी रुबिना क्षेत्रीले २ विकेट लिइन् ।
अब नेपालले पर्सि अमेरिकासँग दोस्रो वार्मअप खेल खेल्नेछ ।
आईसीसी महिला टी–२० विश्वकप ग्लोबल छनोट आउँदाे माघ ४ गतेदेखि नेपालमा शुरू हुँदैछ । प्रतियाेगिताका खेलहरू त्रिवि मैदान र माथिल्लाे मूलपानी मैदानमा हुनेछन् । समूह चरणमा नेपालका चार वटै खेल त्रिवि मैदानमा हुनेछन् ।
तालिकाअनुसार नेपालले पहिलो खेलमा माघ ४ गते थाइल्यान्डसँग, दोस्रो खेलमा माघ ८ गते नेदरल्यान्ड्ससँग, तेस्रो खेलमा माघ १० गते जिम्बावेसँग र चौथो खेलमा माघ १२ गते स्कटल्यान्डसँग खेल्नेछ ।
१० वटा टोली सहभागी प्रतियोगिता माघ १८ गतेसम्म चल्नेछ । प्रतियोगितामा दुवै समूहबाट शीर्ष तीनमा पर्ने टोलीहरू ‘सुपर–सिक्स’ मा पुग्नेछन् । ‘सुपर–सिक्स’ बाट शीर्ष चार वटा टोली आउँदो वर्ष इङ्ग्ल्यान्ड र वेल्समा हुने महिला टी–२० विश्वकपमा छनोट हुनेछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
शक्तिशाली लटिनाथ मन्दिर जयपुरमा बृहत नवमी जात्रा, धार्मिक महिमा र जात्रा विशेष (भिडियो)
२०८२ कार्तिक १३, बिहीबार १८:२५ गते
