दार्चुला । नेकपा एमालेका वरिष्ठ नेता माधवकुमार समूहका सांसद कृष्णभक्त पोखरेल अध्यक्ष केपी शर्मा ओली समूहमा लाग्नुभएको छ । बालुवाटारमा बोलाएको संसदीय दलको बैठमा नजाने समूहको निर्णय विपरित पोखरेल बालुवाटार जानुभएको हो ।
संसदीय दलको बैठकमा बोल्दै पोखरेलले अब मूलधारको एमालेमा लागेको बताउनुभयो । अब प्रधानमन्त्री ओलीलाई साथ दिने बताउँदै पोखरेलले भन्नुभयो, ‘छुट्टै दलको बैठक या संसदीय दलको बैठक बस्नुपर्ने कुरा सकियो । अब मूलधारको एमालेमा लागें, कहीकतै गल्ती भए माफी पाउँ ।’
ओली नेतृत्वको सरकारले पाँच वर्ष काम गर्नुपर्नेमा जोड दिँदै पोखरेलले ‘समृद्ध नेपाल, सुखी नेपाली’ बनाउने ओलीको अभियानलाई साथ दिने बताउनुभयो ।
पोखरेल यसअघि पनि दलको नेताले बोलाएको बैठकमा जानुपर्ने पक्षमा हुनुहुन्थ्यो । चैत ५ गतेको बैठकमा पनि पोखरेलले बैठकमा जानुपर्ने बताउँदै आउनुभएको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया