दार्चुला । दार्चुलाको अपिहिमाल गाउँपालिकामा माओवादीका दुई जना नेता नेकपा एमालेमा प्रवेश गर्नुभएको छ । नेकपा एमाले अपिहिमाल गाउँपालिकाको विहिबार भएको गाउँपालिका कमिटी कार्यालय उद्घाटन कार्यक्रममा नेकपा माओवादी केन्द्रका जिल्ला कमिटी सदस्य चन्द्रसिह धामी र स्थानीय नेता विशनसिह धामी नेकपा एमालेमा प्रवेशमा गर्नुभएको हो ।
अपिहिमाल गाउँपालिका वडा नम्बर ५ का प्रभावशाली नेताद्धय धामी एमालेले आयोजना गरेको कार्यक्रममा सहभागि हुनुभएको नेकपा एमाले अपिहिमाल गाउँपालिकाका इन्चार्ज एवं अपिहिमाल गाउँपालिका अध्यक्ष धर्मानन्द मन्यालले जानकारी दिनुभयो ।
लामो समयदेखि माओवादीमा रहनुभएका दुवै जना नेता नेकपा एमालेमा आएसँगै वडा नम्बर ५ मा एमाले अब बलियो भएर गएको अध्यक्ष मन्यालको प्रतिक्रिया छ । यस्तै सोही कार्यक्रममा अपिहिमाल गाउँपालिका ४ का नेपाली काग्रेसका युवा नेता कमलेशसिह धामी पनि एमालेमा प्रवेश गर्नुभएको छ ।
नेकपा एमाले अपिहिमाल गाउँपालिका अध्यक्ष पोखरसिह रोकाया लगायतको नेता कार्यकर्ताको उपस्थितीमा कार्यालय उद्घाटन गरिएको छ ।
यस्तै नौगाड गाउँपालिकामा रामसिह ठगुन्नाको अध्यक्षतामा ३५ सदस्यीय गाउँ कमिटी चयन गरिएको छ । नेकपा एमालेका सह सचिव चरनसिह बुढाथोकीको प्रमुख आतिथ्यमा भएको कार्यक्रममा गाउँ कमिटी गठन गरिएको हो ।
नेकपा एमालेले दार्चुलाका सबै स्थानीय तहमा एकसाथ पार्टी कार्यालय उद्घाटन गरेको छ । नेकपा एमालेलाई सशक्त ढंगले अगाडी बढाउने संकल्पका साथ पार्टी कार्यालयहरु उद्घाटन गरिएको नेकपा एमाले दार्चुलाका प्रचारविभाग प्रमुख खडक बडालले बताउनुभयो ।
यो पनि पढ्नुहोस : दार्चुलाका सबै स्थानीय तहमा नेकपा एमालेका पार्टी कार्यालय उद्घाटन
नेकपा एमाले पार्टी कार्यालय उद्घाटनका तस्बिरहरु हेर्नुहोस
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया