दार्चुला । प्रतिनिधिसभा सदस्य चुनावको समीक्षा गर्न नेपाली कांग्रेसको केन्द्रीय कार्यसमितिको बैठक आज बस्दैछ । बैठकले पार्टी सभापति गगन थापाले दिनुभएको राजीनामा अस्वीकृत गर्ने नेताहरूले बताएका छन् ।
चुनावी पराजयपछि थापाले नैतिकताका आधारमा राजीनामा दिनुभएको थियो । आज दिउँसो बस्ने बैठकमा चुनावमा पार्टीको पराजय र सभापति थापाको राजीनामाबारे छलफल हुने कांग्रेसले जनाएको छ ।
पार्टीमा विद्रोह गर्दै विशेष महाधिवेशनमार्फत कांग्रेस नेतृत्वमा आएका थापा चुनावमा आफूसहित पार्टीले पराजय व्यहोरेपछि नैतिक दबावमा हुनुहुन्छ ।
थापाले अहिलेको परिस्थितिमा राजीनामा दिन नहुने संस्थापन पक्षका नेताहरूको मत छ । पूर्वसंस्थापन समूहका नेताहरूले भने विशेष महाधिवेशनको औचित्य नै समाप्त भइसकेकोले पार्टीलाई त्यस अगाडिकै हैसियतबाट अगाडि बढाउनुपर्ने माग गरिरहेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया