बझाङ । कोरोना संक्रमणको जोखिम बढेको र परीक्षण सुस्त भएको भन्दै बझाङका स्थानीय तहले पीसीआर मेसिन खरिद गर्ने निर्णय गरेका छन् ।
सुदूरपश्चिमको प्रादेशिक प्रयोगशाला धनगढीमा एकमात्रै पीसीआर मेसिनको भर पर्दा रिपोर्ट आउन हप्तौं कुर्नुपर्दा संक्रमण फैलिने खतरा बढेकाले जिल्लामै प्रयोगशाला स्थापना गर्ने निर्णय गरेको जनप्रतिनिधिले बताएका छन् ।
सोमबार जिल्ला समन्वय समिति, सबै पालिका प्रमुखसहित सरोकारवालाको कोरोना संकट व्यवस्थापन केन्द्र (सीसीएमसी) बैठकले पीसीआर मेसिन खरिद गर्ने निर्णय गरेको थलारा गाउँपालिकाका अध्यक्ष भुवनेश्वर उपाध्यायले बताउनुभयाे ।
‘प्रदेश प्रयोगशालाको भर पर्दा संक्रमण झन् फैलिने देखियो । जिल्लामै प्रयोगशाला स्थापना गर्ने निर्णयमा पुगेका हौं’,उनले भने, ‘जति सक्दो छिटो कोरोना परीक्षण प्रयोशाला स्थापना गर्ने गरी काम थाल्ने सहमति भएको छ ।
’प्रयोगशाला स्थापनाका लागि प्रत्येक गाउँपालिकाबाट १० लाख, नगरपालिकाले १५ लाख र समन्वय समितिले १५ लाख रकम जम्मा गर्ने निर्णय गरिएको सीसीएमसीका सदस्य रहेका छविस पाथीभेरा गाउँपालिकाका अध्यक्ष अक्कलबहादुर धामीले बतानुभयाे ।
यो रकम सबै स्थानीय तहले असार १ गतेभित्रै जिल्ला विपद् व्यवस्थापन समितिको खातामा जम्मा गर्ने र त्यसलगतै खरिद प्रक्रिया अघि बढाइने उहाँले बताउनुभयाे ।
जिल्ला अस्पतालका प्रमुख डा सन्दिप ओखेडाले पालिकाको निर्णयपछि प्रयोगशाला व्यवस्थापन र सञ्चालनको तयारीमा जुटेको बताउनुभयाे ।
प्रयोगशाला सञ्चालनका लागि आवश्यक जनशक्तिमध्ये हाल चार जना अस्पतालमा कार्यरत रहेका र एक ल्याब अधिकृत आवश्यक रहेकोले छिटो प्रक्रियाबाट पूर्ति गरिने उहाँले बताउनुभयाे । -कान्तीपुरबाट
पत्रकार जोशी लोकदर्पण मिडियाका लागि विभिन्न विधाका समसामयिक विषयमा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
स्वस्थानी व्रत कथा शुरू, रेडियो लोकदर्पणमा ज्यो. ईन्द्रदेव जोशीको प्रस्तुती (भिडियोसहित)
२०८१ पुष २९, सोमबार ०८:३०
