दार्चुला । बैतडीमा बिहीबार थप दुई जनामा कोरोना संक्रमण पुष्टि भएको छ ।
जिल्ला अस्पताल बैतडीको प्रयोगशालामा भएको परीक्षणमा जिल्लाको दशरथचन्द नगरपालिका ९ का २२ बर्षीय पुरुष र जिल्ला प्रहरी कार्यालयमा कार्यरत ३५ बर्षीय पुरुषमा कोरोना पुष्टि भएको हो ।
दशरथचन्द नगरपालिका ९ का संक्रमित पुरुष होम आइसोलेसनमा छन् भने जिल्ला प्रहरी कार्यालयका संक्रमित पुरुष जिल्ला अस्पातलको आइसोलेसनमा रहेका छन् । दुवै जनाको स्वास्थ्य अवस्था समान्य रहेको स्वास्थ्य कार्यालयले जनाएको छ ।
बिहीबार थप दुईजनामा कोरोना पुष्टि भएसंगै बैतडीमा संक्रमितको संख्या चार सय ९७ पुगेको छ ।
