विश्वभरमा चार करोड २३ लाखभन्दा बढी कोरोना भाइरसका बिरामी निको भएका छन् । शुक्रबार बिहानसम्ममा चार करोड २३ लाख ७६ हजार पाँच सय ५८ जना संक्रमित कोरोनामुक्त भएका हुन् ।
हालसम्म विश्वमा ६ करोड १२ लाख ८३ हजार २२ जनामा कोरोना संक्रमण भएको छ । संक्रमितमध्ये १४ लाख २६ हजार आठ सय ६० जनाको मृत्यु भइसकेको छ । हाल विश्वमा एक करोड ७४ लाख ७१ हजारभन्दा बढी सक्रिय संक्रमित छन् ।
कोरोना भाइरसबाट सबैभन्दा बढी प्रभावित राष्ट्र संयुक्त राज्य अमेरिकामा हालसम्म १ करोड ३२ लाखभन्दा बढी मानिस संक्रमित भइसकेका छन् । संक्रमितमध्ये ७८ लाख ४६ हजारभन्दा बढी निको भएका छन् भने दुई लाख ६९ हजार पाँच सय ५२ जना संक्रमितले ज्यान गुमाइसकेका छन् ।
भारतमा हालसम्म ९३ लाख आठ हजारभन्दा बढी मानिस संक्रमित भएका छन् । संक्रमितमध्ये ८७ लाख १६ हजारभन्दा बढी निको भएका छन् भने कोरोनाबाट ज्यान गुमाउनेको संख्या एक लाख ३५ हजार सात सय ३४ पुगेको छ ।
नेपालमा हालसम्म दुई लाख २७ हजार ६ सय ४० जनामा कोरोना पुष्टि भएको छ । संक्रमितमध्ये दुई लाख नौं हजार चार सय ३५ जना निको भएका छन् । यहाँ कोरोनाबाट एक हजार चार सय १२ जनाले ज्यान गुमाइसकेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया