दार्चुला । दार्चुलाको मालिकार्जुन गाउँपालिकाका थप एक जनामा कोरोना संक्रमण पुष्टि भएको छ ।
सेती प्रादेशिक अस्पताल धनगढीको प्रयोगशालामा बिहिबार(आज) गरिएको परिक्षणमा जिल्लाको मालिकार्जुन गाउँपालिका वडा नम्बर ८ का एक ३२ वर्षीय पुरुषमा कोरोना संक्रमण पुष्टि भएको हो ।
धनगढीमै कोरोना परिक्षणका लागि स्याब दिएका ती पुरुषमा कोरोना संक्रमण पुष्टि भएको स्वास्थ्य कार्यालय दार्चुलाले जनाएको छ ।
दार्चुलामा हालसम्म तीन हजार छ सय बढीको कोरोना परीक्षण गर्दा दुई सय ९३ जनामा कोरोना संक्रमण पुष्टि भएको छ ।
संक्रमण पुष्टि भएकामध्ये दुई सय ६२ जनाले कोरोना जितिसकेका छन । जिल्लामा कोरोना संक्रमणबाट दुई जनाको ज्यान गईसकेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया