दार्चुला । दार्चुलाको शैल्यशिखर नगरपालिका वडा नम्बर ४ मा महिलाहरुको पाठेघरको मुखमा हुने क्यान्सरको ‘स्क्रीनिङ’शिविर सम्पन्न भएको छ।
नगरपालिकाको स्वास्थ्य शाखाको आयोजनामा वडा नम्बर ४ को रानिशिखर स्वास्थ्य चौकीमा मंगलबार (हिजो) शिविर सञ्चालन गरिएको नगरपालिकाका स्वास्थ्य शाखा प्रमुख, जनस्वास्थ्य अधिकृत शिवदत्त जोशीले जानकारी दिनुभयो । उक्त शिविरमा ४४ जना महिलाको पाठेघरको मुखमा हुने क्यान्सरको परीक्षण गरिएकोमा एक जनामा भिआइए पोजेटिभ देखिएको उहाँले बताउनुभयो ।
साथै शिविरमा महिलाहरुमा हुने प्रजनन सम्बन्धी समस्याको जांच, उपचार तथा परार्मश सेवा समेत प्रदान गरिएको उहाँले बताउनुभयो । नगरपालिकाले दुर्गम क्षेत्रमा रोग पालेर बसेका नागरिकको स्वास्थ्य उपचारको लागि शिविरको आयोजना गरेको उहाँको भनाई छ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
