दार्चुला । दार्चुलाको मालिकार्जुन गाउँपालिका वडा नम्बर ३ मा रहेको देशकै सात धाम मध्येको धाम तथा धार्मीक पर्यटकिय गन्तब्य मालिकार्जुन मन्दीरका मुखिया एवं वडा नम्बर ३ का वडा अध्यक्ष रुद्रे सिंह धामीको मृत्यु भएको छ ।
उहाँको आज विहान मालिकार्जुन गाउँपालिका वडा नम्बर ३ मडमा आफ्नै घरमा एक्कासी मृत्यु भएको मालिकार्जुन मन्दीर व्यवस्थापन समितिका सचिव जनक सिंह धामीले जानकारी दिनुभयो ।
मालिकार्जुन मन्दीर व्यवस्थापन समितिका अध्यक्ष समेत रहनुभएका उहाँको विहाँन ६ बजे तिर ७८ बर्षको उमेरमा मृत्यु भएको उहाँले बताउनुभयो ।
धार्मीक आस्थाको केन्द्र मालिकार्जुन मन्दिरका मुखिया समेत रहनुभएका धामी जिल्ला भित्र र बाहिर परिचित हुनुहुन्थ्यो । उहाँको निधनमा आफन्त, इष्टमित्र र शुभचिन्तकहरुले दुख व्यक्त गरेका छन् ।
आज अन्तिम संस्कार गर्नुअघि श्रद्धाञ्जली सभाको आयोजना गरिएको आफन्तहरुले बताएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया