दार्चुला । अछाम, डोटी र बाजुरामा जेठ ३१ गतेसम्म निषेधाज्ञा लम्बिएको छ । जिल्ला कोभिड व्यवस्थापन समितिको बैठकको सिफारिश अनुसार यही जेठ ३१ गतेसम्म निषेधाज्ञा लम्ब्याएको हो ।
बाजुरा जिल्लामा गत वैशाख २२ गतेदेखि सुरु गरिएको निषेधाज्ञा जेठ ३१ गते सम्मका लागि थप गरिएको जिल्ला प्रशासन कार्यालय बाजुराले जनाएको छ ।
यस्तै डोटीमा पनि कोरोना रोकथाम तथा नियन्त्रणका लागि जारी निषेधाज्ञालाई यही जेठ ३१ गतेसम्म लम्ब्याइएको छ । जिल्ला कोभीड व्यवस्थापन समितिको बैठकको सिफारिश अनुसार निषेधाज्ञाको अवधि थपिएको प्रमुख जिल्ला अधिकारी सुनील खनालले जानकारी दिनुभयो ।
अछाममा पनि जिल्ला कोभीड व्यवस्थापन समितिको बैठकको सिफारिश अनुसार निषेधाज्ञाको अवधि जेठ ३१ सम्म थपिएको प्रमुख जिल्ला अधिकारी रुद्र मल्लले जानकारी दिनुभयो । जिल्लामा सक्रमितको संख्या अझै कम नभएकाले निषेधाज्ञा थप गरिएको प्रजिअ मल्लले बताउनुभयो ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
