दार्चुला । बैतडीमा आफन्तको मलामी गएका एक जना खोलामा डुबेर बेपत्ता भएका छन् । आज बिहान १० बजे सिगास गाउँपालिका वडा नम्बर २ का अन्दाजी २६ वर्षीय प्रकाश सिह धामीलाई माडौ खोलाले बगाउदा बेपत्ता भएका हुन् । उनको खोजी कार्य भैरहेको आफन्त राजेन्द्र धामीले जानकारी दिनुभयो ।
मलामी गएका अन्य ४ जनालाई पनि खोलाले बगाएको थियो । प्रकाश संगै गएका मलामीहरुको सकुशल उद्धार गरिएको उहाँले बताउनुभयो । वडा नम्बर २ का नरेन्द्र सिह धामी, बिरेन्द्र सिह धामी, नन्द धामी र बिरेन्द्र धामीको ५० मिटर तलबाट सकुशल उद्धार गरिएको स्थानीय धामीले जानकारी दिनुभयो ।
खोजीकार्यका लागि गाँजरी प्रहरी चौकीबाट सहायक प्रहरी निरिक्षक विर बहादुर कार्कीको नेतृत्तवमा प्रहरी टोली घटनास्थल तर्फ गईरहेको छ । आइतबार बिहान कुडे खोलामा आफन्तको मलामी गएका उनलाई खोलाले बगाएको इलाका प्रहरी कार्यालय पाटनका प्रहरी निरीक्षक राजेश शाहीले बताउनुभयो । उनको खोजी कार्य जारी रहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया