दार्चुला । वर्षकै सर्वाधिक धनराशीको दोस्रो संस्करणको खुल्ला गोकुलेश्वर टि–२० क्रिकेट च्यालेञ्ज प्रतियोगिता अगामी असोज तेस्रो साताबाट सञ्चालन हुने भएको छ । नागार्जुन क्रिकेट क्लबको आयोजनामा हुने उक्त प्रतियोगिता असोज १६ गतेदेखि दार्चुलाको गोकुलेश्वरमा सञ्चालन हुने भएको हो ।
प्रतियोगिताको विजेता टोलीले नगद ६५ हजार ५५५,उप विजेता टोलीले २५ हजार ५५५ र तेस्रो हुने टोलीले ११ हजार ५५५ रुपैंया पुरस्कार पाउने –आयोजक नाजार्जुन क्रिकेट क्लब गोकुलेश्वरले जनाएको छ । यसका साथै म्यान अफ द सिरीजलाई २ हजार,बेस्ट ब्याट्सम्यान र बेस्ट बलरलाई समान १÷१ हजार पुरस्कार दिइनेछ।
प्रतियोगितामा देशभरका जुनसुकै जिल्लाका खेलाडी पनि सहभागी हुन पाउने जनाइएको छ । तर टिममा भने एउटै वडाका खेलाडीहरु मात्रै समावेश गर्न पाइने आयोजक नागार्जुन क्रिकेट क्लबका अध्यक्ष करन विष्टले जानकारी दिनुभयो । जसका लागि सबै खेलाडीले वडाको सिफारिस र प्रमाणपत्र अनिवार्य ल्याउनुपर्नेछ । टेनिस बलको प्रयोगले सञ्चालन हुने प्रतियोगिताका खेलहरु लिग चरणमा खेलाइनेछन् ।
पहिलो संस्करण गत वर्षदेखि सुरु भएकोमा २१ टोली सहभागी रहेका थिए । प्रतियोगिताको विजेताले ६१ हजार १ सय ११ र उप विजेताले २३ हजार ३ सय ३३ नगद,ट्रफी,प्रमाणपत्र पाएका थिए । गत वर्षको उपाधि पिपलकोट क्रिकेट क्लब दोगडाकेदारलाई ४८ रनले पाखा लगाउँदै निंग्लाशैनी क्रिकेट क्लब९एनसिसि० देहिमाडौंले हात पारेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया