दार्चुला । भारतको पिथौरागढ जिल्ला स्थित जाजरदेवलमा बस्दै आएकी बझाङ घर भएकी साढे चार वर्षीया बालिकामाथी बलात्कार गर्ने एक सौतेलो दाइलाई भारतको अदालतले फासिको सजाय सुनाएको छ । अबोध सौतेली बहिनिलाई बलात्कार गरेको आरोपमा पिथौरागढ प्रहरीले नेपालको बझाङ जिल्ला घर भई हाल पिथौरागढमा बस्दै आएका ३१ वर्षीय एक पुरुषलाई ३ अप्रिल २०२१ मा पक्राउ गरेको थियो ।
गाउँमा बुवा, आमाको मृत्यु पछि सौतेली बहिनी दाई संग पिथौरागढमा बस्दै आएको बताइएको छ । पिथौरागढको जाजरदेवल थानाका एसआई मेघा शर्माले घटनाको अनुसन्धान गरि अदालतमा आरोप पत्र दर्ता गर्नुभएको थियो । प्रमाण र बयानका आधारमा आरोप पुष्टि भएकाले पिथौरागढ जिल्ला न्यायधीश डा. ज्ञानेन्द्र कुमार शर्माको एकल इजलासले शुक्रबार आरोपिलाई फाँसिको सजाय सुनाएको अमर उजालाले समाचार लेखेको छ ।
भारतीय अपराध दण्ड संहिताको धारा ३७६ ए र वि अनुसार उक्त सजाय सुनाईको बताइएको छ । नेपालमा पनी बलात्कारको घटना बढ्दै गएको भन्दै कडा कार्वाहीको व्यवस्था हुनुपर्ने आवाजहरु उठ्न थालेका छन् । यद्धपी नेपालको संबिधानले मृत्युदण्ड वा फाँसीको व्यवस्था नगरेकोले आवश्यक कानुनी कार्वाही गरेर छोड्ने गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया