दार्चुला । मोटरसाइकलबाट खसेर बैतडीमा एक महिलाको मृत्यु भएको छ । जिल्लाको पञ्चेश्वर गाउँपालिका ३ कुलाउबाट सोही गाउँपालिकाको आम्चोरा जाने क्रममा आइतबार दिउँसो अढाई बजेतिर मोटरसाइकलबाट खसेर पञ्चेश्वर ३ गोगनपानीका ५० बर्षीय लक्ष्मी साउँदको मृत्यु भएको हो ।
पञ्चेश्वर गाउँपालिका वडा नम्बर १ का वडा सदस्य परमल घटालले चलाईरहेको सु.प.प्र. ०१००३ प २६६१ नम्बरको मोटरसाइकलको पछाडी बसेका साउँद खसेर गम्भीर घाइते भएकी थिइन् । उनलाई उपचारका लागि केशरपुर प्राथमिक स्वास्थ्य केन्द्र मेलौली ल्याउँदै गर्दा बाटोमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताउनुभयो ।
घटनाका बिषयमा थप अनुसन्धानका लागि प्रहरी टोली खटिएको प्रवक्ता ओझाले बताउनुभयो।कच्ची सडकका कारण दुर्घटना भएको अनुमान गरिएपनि यकिन कारण भने खुल्न नसकेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया