दार्चुला । महाकाली नगरपालिका वडा नम्बर ७ मा रहेको मालिकार्जुन नमुना माबि धापमा आइतबार (आज) १२ कोठे भवनको उद्घाटन हुने भएको छ । भारतीय राजदुतावासबाट निर्माण भएको १२ कोठे भवनको उद्घाटन एबं हस्तान्तरण कार्यक्रम भारतीय राजदुतावास काठमाण्डौँका नियोग उपप्रमुख नामग्य सी. खम्पा र महाकाली नगरपालिकाका प्रमुख हंशराज भट्टले गर्ने विद्यालयका प्रधानाद्यापक सुन्द्रसिंह बुढाथोकीले जानकारी दिनुभयो । भवन हस्तान्तरणका लागि उपप्रमुख खम्पा शनिबार नै दार्चुला आइसक्नुभएको छ ।
भवनको उद्घाटन आइतबार विहान ११ बजे विद्यालयकै प्रांगणमा हुने प्रधानाद्यापक बुढाथोकीले बताउनुभयो । भारतीय राजदूतावासका उपप्रमुख खम्पा भवन हस्तान्तरण र दुहुँ गाउँपालिकाका बाढीपहिरो पीडितहरूलाई राहत वितरण गर्न दार्चुला आएको प्रहरीले जनाएको छ । जिल्ला बसाइको क्रममा खम्पाले जिल्ला समन्वय समिति पदाधिकारीहरुसंग भेटघाट गर्ने कार्यक्रम समेत तय भएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया