दार्चुला । बंगलादेशमा आयोजना हुने एभीसी सेन्ट्रल जोन भलिबल प्रतियोगिताका लागि नेपाली पुरुष टिममा रहने अन्तिम १२ जना खेलाडीको नाम सार्वजनिक गरेको छ । टिममा दार्चुलाको लेकम गाउँपालिका वडा नम्बर १ घर भएका राजेन्द्र बिष्ट समेत पर्नुभएको छ । बन्द प्रशिक्षण गराइ रहेका नेपाली टिमका मुख्य प्रशिक्षक हान एविङले १६ जनाबाट अन्तिम १२ जनाको सूची सार्वजनिक गरेका हुन् । १६ जनाबाट ईश्वर थापा, दीपकराज जोशी, रबिन चन्द र धिरज बस्नेत बाहिरिएका छन् । नेपाली टिमले सेन्ट्रल जोनमा इम रानाकै कप्तानीमा खेल्ने छ ।
एभिसी सेन्ट्रल जोन महिला तथा पुरुषको भलिबल च्याम्पियनसिप पुस ६ देखि १४ गते सम्म बंगलादेशको ढाका आयोजना हुँदैछ । पुरुष भलिबल टिममा इम बहादुर राना, हरि हजुर थापा, मानबहादुर श्रेष्ठ, धनबहादुर भट्ट क्षेत्री, राजेन्द्र विष्ट, टेकराज अवस्थी, हरि बहादुर अधिकारी, दुर्गा बहादुर खड्का, भैरव बम, विशाल विक, सरन सामरी क्षेत्री र विनोद चन्द रहेका छन् ।
यस्तै नेपाल भलिबल संघले एसियन सिनियर सेन्ट्रल जोन भलिबल च्यालेन्ज कप खेल्न राष्ट्रिय महिला टिमको पनि घोषणा गरेको छ । टिममा छनोट भएका खेलाडीमा कप्तान अरुणा शाही, पवित्रा माली, सरस्वती चौधरी, शान्ति थारु, उषा भण्डारी, सुनिता खड्का, मनिषा चौधरी, कामना विष्ट, लक्ष्मी चन्द, शान्या पुन, कृपाा अधिकारी र सलिना श्रेष्ठ रहेका छन् । नेपाल महिला संस्करणको साविक च्याम्पियन हो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया