दार्चुला । पहिलो पटक सुँगुरको मुटु प्रत्यारोपण गरिएका ५७ वर्षीय अमेरिकी नागरिक डेबिड बेनेटको मृत्यु भएको छ । सुँगुरको मुटु प्रत्यारोपणको दुई महिनापछि उनको अमेरिकाको मेरिल्यान्डस्थित अस्पतालमा मंगलबार मृत्यु भएको मेरिल्यान्ड विश्वविद्यालय, बाल्टिमोर अस्पतालले जनाएको हो ।
केहि दिनदेखि बेनेटको स्वास्थ्य अवस्था खस्किएको जनाएपनि अस्पतालले बेनेटको मृत्युको ठोस कारण भने सार्वजनिक गरेको छैन । बेनेटको शल्यक्रियामा संलग्न बाल्टिमोर अस्पतालका चिकित्सक डा। बार्टली ग्रिफिथले बेनेट जीवनको अन्त्यसम्म पनि लडिरहने साहसी र भद्र बिरामी रहेको बताउनुभयो ।
बेनेटका छोरा डेभिड बेनेट जुनियरले अपरेसनले काम गर्दैन भन्ने थाहा भए पनि बेनेटले चिकित्सा क्षेत्रमा नयाँ खोजमा सहयोग पुर्याउन तयार भएको बताएका छन् भने दुई महिनाअघिको शल्यक्रियालाई ‘जादु’ को संज्ञा पनि दिएका छन् । उनमा गत जनवरी ७ मा सुँगुरको जेनेटिक मोडिफाइ मुटु प्रत्यारोपण गरिएको थियो । मानव स्वास्थ्यमै ठूलो उपलब्धिका रुपमा यो प्रत्यारोपणलाई लिइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
प्रतिक्रिया