दार्चुला । बैतडीको डिलाशैनी गाउँपालिका वडा नम्बर ५ स्थित बेतालेश्वर आधारभूत विद्यालय तीनतारे विद्यालय घोषणा भएको छ । विद्यालयले सरसफाई सम्बन्धिका १० वटा सूचक पूरा भएपछि विद्यालयलाई तीनतारे घोषणा गरिएको विद्यालयका शिक्षक देबदत्त जोशीले जानकारी दिनुभयो । ग्रामीण जलश्रोत व्यवस्थापन परियोजनाको सहयोगमा डिलाशैनी गाउँपालिकले विद्यालयलाई तीनतारे घोषणा गरेको उहाँले बतायनुभयो ।
विद्यालयमा सुरक्षित खानेपानीको व्यवस्थापन, उचित शौचालयको व्यवस्थापन, वातावरणीय सरसफाई लगायतका १० ओटा सूचक पूरा भएपछि विद्यालयलाई तीनतारे घोषणा गरिएको हो । यो संगै बैतडीका १० वटा विद्यालय तीनतारे घोषणा भएका छन् । यसअघि जिल्लाको शिवनाथ र पञ्चेश्वरका ९ वटा विद्यालयलाई तीनतारे घोषणा गरिएको थियो ।
यस्तै पूर्ण सरसफाईका ७ वटा सूचक पूरा गरेको डिलाशैनीको बासीगाउँ समुदायलाई नमूना समुदाय घोषणा गरिएको छ । सरसफाई सम्बन्धि तोकिएका सूचक पूरा भएपछि समुदायलाई नमूना समुदायक घोषणा गरिएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया