दार्चुला । दार्चुलामा १३ औं जिल्लास्तरीय राष्ट्रपति रनिङ सिल्ड प्रतियोगिता फागुन १२ गते देखि खलंगामा सञ्चालन हुने भएको छ । जिल्ला राष्ट्रपति रनिङ्ग शिल्ड ब्यवस्थापन तथा निर्देशन समितिको बैठकले फागुन १२ देखि १६ गते सम्म जिल्लास्तरीय राष्ट्रपति रनिङ सिल्ड प्रतियोगिता सञ्चालन गर्ने निर्णय गरेको हो ।
दार्चुला सदरमुकामस्थित महाकाली नगरपालिकामा सञ्चालन हुने प्रतियोगितामा जिल्लाका नौँ वटै स्थानीय तहबाट छनोट भएका १८ बर्ष ननाघेका छात्र र छात्रा खेलाडीको सहभागिता रहने छ । भलिबल, कबड्डी, एथ्लेटिक्स, कराँते, तेक्वान्दो लगायतका विभिन्न खेलमा अन्तरपालिकास्तरीय प्रतिस्पर्धा हुने छ ।
यसअघि दार्चुलाका नौ वटै पालिकामा पालिकास्तरीय प्रतियोगिता सम्पन्न भइसकेका छन् । छनोट भएका खेलाडीहरुको नामावली फागुन १० गतेभित्र जिल्ला खेलकुद विकास समितिको कार्यालयमा बुझाउन आग्रह गरिएको छ ।
जिल्लास्तरीय राष्ट्रपति रनिङ शिल्ड प्रतियोगिताबाट छनोट भएका खेलाडीले प्रदेशस्तरीय प्रतियोगितामा सहभागिता जनाउने छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया