दार्चुला । कञ्चनपुरको पुनर्बासमा सोमबार राति प्रहरी कर्मचारीमाथि कुटपिट भएको छ । पुनर्बास नगरपालिका वडा नम्बर ११ को टाउके बजारमा प्रहरी जवान रञ्जित साउदमाथि कुटपिट भएको हो ।
मोटरसाइकलको लाइसेन्स र ब्लुबुक चेकजाँच गर्न लागेका बेला स्थानीय युवाहरुले कुटपिट गरेका हुन् । पुनर्बास नगरपालिका–११ का वडाध्यक्ष तुुलसी अर्यालले साउदले स्थानीय युवालाई सडकमा उतारेर प्रहरीको पोशाकबिना सवारीसाधन चेकजाँच गरेर दुःख दिन थालेपछि आक्रोशित स्थानीयले कुटपिट गरेको बताउनुभयो ।
‘स्थानीयले टाउके बजारमा बर्दी बिनाको प्रहरीले सवारी साधन चेकजाँच गर्दै दुःख दिन थालेको छ भनेर खबर गरेपछि म पनि त्यहाँ पुगेको थिएँ’, अर्यालले भन्नुभयो, ‘आक्रोशित स्थानीयले प्रहरी जवान साउदमाथि कुटपिट गरेपछि उनी त्यहाँबाट भागेका हुन् ।’
प्रहरीले भने यो घटनाबारे थाहा नभएको दाबी गरेको छ । जिल्ला प्रहरी कार्यालय कञ्चनपुरका प्रमुख प्रहरी उपरीक्षक (एसपी) कमल थापाले घटनाबारे तल्लो तहको प्रहरी युनिटबाट जिल्लामा रिपोर्टिङ नभएको दाबी गर्नुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया