दार्चुला । बैतडीको दोगडाकेदार गाउँपालिका वडा नम्बर ३ मल्लासैना दलित वस्तीमा खानेपानी पुगेको छ । गाउँपालिकाको आर्थिक सहयोगमा मल्लासैना दलित वस्तीमा लिफ्ट प्रविधिबाट खानेपानी पुगेको हो ।
वडाकै ठुलाखोला भन्ने ठाउँबाट वस्तीमा खानेपानी पुगेको वडा अध्यक्ष कालु राम सार्कीले जानकारी दिनुभयो । गाउँपालिकाको बजेटबाट आर्थिक वर्ष २०७७÷७८ देखि निर्माण सुरु भएको मल्लासैना दलित वस्ती लिफ्ट खानेपानी योजना सम्पन्न भएर घर घरमा धारा जडान भएपछि स्थानीय नागरिकहरु खुसि भएका छन् ।
३३ लाख ९९ हजार ३ सय ५४ रुपैँयाको लागतमा खानेपानी योजना सम्पन्न भएको मल्लासैना दलित वस्ती लिफ्ट खानेपानी योजनाका अध्यक्ष करन राम भुलले बताउनुभयो । खानेपानी योजना सम्पन्न भएपछि गाउँपालिकाका अध्यक्ष चक्र कार्कील आज उद्घाटन गरेका उहाँले बताउनुभयो ।
यो वस्तीका नागरिकहरुले दुई किलोमिटर टाढा गएर पानीको जोहो गर्ने गरेका थिए । धेरै समस्यामा भएको वस्तीमा खानेपानी पुग्दा सबै जना हर्षित भएका छन् । खानेपानीको चरम अभाव हुने वस्तीमा पानी पगुेपछि नागरिक हर्षित भएका हुन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया