दार्चुला । बझाङका भूकम्प प्रभावितहरुले राहत नपाएको गुनासो गरेका छन् ।
घर भत्किएपछि खुल्ला चौरमा रात काट्नु परेको उनीहरुको गुनासो छ । सहयोगको नाममा एउटा त्रिपालसम्म नपाएको उनीहरुको दुखेसो छ । खाने र बस्ने बाँसको अहिलेसम्म टुंगो लाग्न नसकेको उनीहरुको भनाई छ । भूकम्प प्रभावितहरुले सरकारी निकाय अझैसम्म नआएको गुनासो पनि गरेका छन् ।
विपतको बेला तत्काल उद्धार, प्रभावितको व्यवस्थापन राज्यले गर्न नसकेको भन्दै उनीहरुले सरकारसंग गाँस, बास र कपासको माग गरेकाछन् । भूकम्प पछि पटक–पटक गएको पराकम्पनले उनीहरुलाई त्रसित बनाएको छ । राष्ट्रिय भूकम्प मापन तथा अनुसन्धान केन्द्रले गएराति चैनपुर आसपास मंगलबारयता तीन सयभन्दा धेरै साना–ठूला परकम्पन गएको जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया