दार्चुला । आईसीसी टि–ट्वेन्टी विश्वकप क्रिकेटको छनौट खेलमा आज नेपालले मलेसियाको सामना गर्नेछ ।
खेल दिउसो एक बजे त्रिवि क्रिकेट मैदान किर्तीपूरमा हुनेछ । आजका अन्य खेलहरुमा ओमान र सिंगापुर, बहराइन र हङकङ तथा कुवेत र युएई भिड्नेछन् ।
हिजोको खेलमा सिंगापुरलाई ८ विकेटले हराएको नेपाल आज लगातार दोस्रो जित निकाल्दै सेमिफाइनलमा स्थान सुरक्षित गर्न चाहन्छ ।
हिजोको जितसँगै नेपालले समुहमा अग्रता लिएको छ । समुह ‘ए’ मा नेपाल र ओमानको दुई दुई अंक छ भने मलेसिया र सिंगापुर अंकविहीन छन् ।
विश्वकप छनौटको समुह ‘बि’ मा हङकङ र युएईले आफ्नो पहिलो खेल जितेका छन् । पहिलो दिनको खेलमा हङकङले कुवेतलाई १६ रनले हराउँदा युएईले बहराइनमाथि ५ विकेटको जित निकाल्यो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया